ئەو هاوڵاتیانەی شارۆچکەی تل کۆچەر کەلایەن گروپە چەکدارەکانی بەرەی نوسرە، دەوڵەتی ئیسلامی لەعیراق و شام لەشارەکەیان بەردەرنرابوون، دوای ڕزگارکردنی تل کۆچەر لەلایەن یەکینەکانی پاراستنی گەل جارێکی تر هاوڵاتیان دەگەرێنەوە سەر زێدی خۆیان و لەوچوارچێوەیەشدا ڕاگەیەندرا کە تائێستا 60%ی هاوڵاتیان تائێستا گەڕاونەتەوە.
بە پێی هەواڵێکی ئاژانسی"فورات نیوز"شارۆچکەی تل کۆچەر کەلایەن گروپە چەکدارەکانەوە داگیرکرابوو، لەرۆژی 26ی تشرینی یەکەمی 2013 لەلایەن یەکینەکانی پاراستنی گەل "یەپەگە" لەدەستی گروپە چەکدارەکانی بەرەی نوسرە، دەوڵەتی ئیسلامی لەعیراق و شام ڕزگارکرا.
دوای پاکردنەوەی شەقام و کۆڵانەکانی ئەوشارە لەمین و تەقەمەنیەکانی ئەو گروپە چەکدارە. کۆمیتەی خزمەتگوزاری دامەزران و کێشەی کارەبا و نان چارەسەرکران. هەروەها هاوڵاتیانیش لە20ی تشرینی دووەمەوە دەستیان بەگەڕانەوە بۆ شارۆچکەکە کردووە.
بەگوێرەی ئەو زانیاریانەی لەهەرێمەکە بەدەستکەوتوون، هەتا ئێستا زیاتر لە 60%ی هاوڵاتیان گەراونەتەوە سەرمال و حاڵی خۆیان.
- 02-12-2013