ناڤ: سەید کامیل
ناڤێ بابی: سەید عەبدولحەکیم
ناسناڤ: ئیمامی-ئاوات-زەنبیلی
سەید کامیلی ئیمامی، شاعێر و نشتیمانپەروەر یێ بەرنیاس ب ئاوات ساڵا 1903ز. ل گوندێ زەنبیل یێ سەربە باژێڕێ #بۆکان# ل ڕوژهەڵاتێ کوردستانێ ژدایکبوویە. ئەڤ شاعێرە کوڕێ سەید عەبدولحەکیم کوڕێ سەید عەبدولکەریمی زەنبیلە کو ل ڕێبەڕێن تەریقەتا نەقشبەندی و قادری بووینە.
ئەڤ شاعێرە دگەل خوەندەوار و فەقێیاندە پەروەردە بوویە. سەید کامیل لدەف زور ماموستایێن ئایینی ئێن بەرنیاسێن دەڤەرێ خوەندییە و بو ماوەیەکی ژی دگەل مامێ خوە واتە #حاجی بابە شێخ# وەزیری کومارا کوردستانێ ل #مەهاباد# خوەندییە. لەوما وەکە مروڤەک نشتیمانپەروەر چالاکی هەبووینە، ساڵا 1946ز لسەر هەڵوێستا نشتیمانپەروەرانە هاتیە دەستەسەر کرن و بو ماوێ دوو ساڵان ل بەندیخانەیێن بۆکان و #سەقز# #ورمێ# و مەهاباد دەستەسەر بوویە. سەید کامیلی ئیمامی شاعێر دگەل زوربەیا شاعێر و هونەرمەندێن وی سەردەمەی هەڤاڵینییەک نزیک هەبوویە، وەکە #سوارە ئیلخانیزادە# ، #هەژار موکریانی# ، عەباس #حەقیقی# هەروەسا دگەل هونەرمەندێ بەرنیاسێ کورد #حەسەن زیرەک# وەکە سترانیبێژ و شاعێر پەیوەندییەکە نزیک هەبوویە. ئەڤ شاعێرێ نشتیمانپەروەرە ل ڕوژا #27-08-1989#ز. وەغەرا داویێ کر و دیوانەکە شیعری پشتی خوە هێڵایە. =KTML_Photo_Begin=https://www.kurdipedia.org/files/relatedfiles/2008/590/0001.JPG=KTML_Photo_Alt=سەید کامیلی ئیمامی-ئاوات=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2008/590/0001.JPG=KTML_Photo_End=
ماموستا ئاوات ژبوخوە دبیژیت:
ل ساڵا (1930ز.) دا ژبەر نەساغییا بابێ خوە دەست ل خوەندنێ هەڵگرت و بو من ژن هینا و سەرەنجام ل ساڵا (1934ز.) دا بابێ من وەفات کر و پشتی ساڵەکێ ماڵا من چوویە ئاشێ چۆمێ زەنبیل و ساڵەکێ ژی لوێرێ بووم و ب کارێ چاندنێ من ژیانا خوە و زارۆیێن خوە بڕێڤە بر. ڕەنگە هەڤالێن من بزانن کو ل دەستپێکا ژیانا خوە ب دەست و قەڵەم و نڤیسین و گوتن و چەکێ دژبەری شا و ڕژیما وی کار دکر و ماڵا من هەر ل گەردیگلان بوو.
مامۆستا هەژار دەربارێ ئاوات دبێژیت:
شیعر و هەڵبەستێن کامیل شا پێدڤی ب وێ چەندێ نییە کو ئەز و سەدێن و وەکە من بێژن باشە، نەخێر عەتر هەر بخوە خوە نیشێ ددەت و پێدڤی نییە عەتار ب تەڵاق و سویندخارنێ ببێژیت کو عەترەکە باشە. ب بیروبوچونا من چ قسەکەرەکێ کورد وەکە کاک کامیل نکاریت بەهارا کوردەواری وێنە بگریت، سەیر ژی نییە ئەڤ زەڵامە هەموو ژیێ خوە ل گوند و ل کیستانێن کوردستانێ ژیایە و هزرا وی زورا ڕوونە و هەرچیێ دیبینیت دکاریت ل مەژیێ خوەدە ببێ کەم و کوڕی دابنێت زور ب ئەمانەت ژبوی مە دەربخەت.
شاری دڵ
من دەڵێم شاری دڵم باغ و گوڵستانە دەچم
عەقڵ ئەڵێ نا قەسەبەی شۆڕشی مەستانە نەچی
من دەڵێم نوختەیی ئەو ڕەزەیی ڕیزوانە دەچم
ئەو دەڵێ نا ڕەشە جێراوگەیی شەیتانە نەچی
من دەڵێم مەسکەن و ئارامگەیی جانانە دەچم
ئەو دەڵێ سەربەسەری تێکچووە وێرانە نەچی
من دەڵێم جێگەیی هەر شێت و جنونانە دەچم
ئەودەڵێ، نا زەدەیی پەنجەیی پەریانە نەچی
من دەڵێم مەرکەزی ئەسراری حەریفانە دەچم
ئەودەڵێ جێ تەمەعی چاوی حەسودانە نەچی
من دەڵێم وەختی خەتەر مەئمەن و قەڵغانە دەچم
ئەو دەڵێ کونکونە جێگەی سەرەپەیکانە نەچی
لەم هەموو چون و نەچونە سەری سوڕما کامیل
من دەڵێم جوانە بچم، ئەو دەڵێ واجوانە نەچی [1]