کورد دلۍ چەرخەکا تاریخینە
بەشۍ: سەڎ و نەوەڎ و یەرەمە
نویستەی: #هاوڕێ باخەوان#
ساڵەو (1878ز):چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، شېخ عوبەیدوڵڵای نەهری نامێوەش پەی کونسوڵو ئەمەریکای کیاستېنە، دلېشەنە نویستەنش: کورد نەتەوێن هەمیشە زددو ئا هەرمانا مدرۊوە هەکە تورک و ئێران وەراوەرشۆ مەکەراشان.
* پاییزو ئی ساڵېنە، پەشېوی ناوچەکۍ (وان و مووش و بەدلیس)ش گېرتېوە، خېڵە کوردەکۍ (مۆتکانلی و ڕاشکۆتانلی و ساڵیکی) گورج و گۊڵانە بەشداریشان چەنەکەرد.
* ئەچی ساڵېنە شېخ عوبەیدوڵڵای نەهری گېڵانۆ پەی نەهری.
* ئەچی ساڵېنە تاریخنویس موحەمەد مەردۆخی کوردەسانی ئامان دنیا.
* ئەچی ساڵېنە بێخودی شاعېر ئامان دنیا.
* شېخ عوبەیدوڵڵای نەهری ئەچی ساڵېنە نامێش کیاستېنە پەی کونسوڵو ئینگلیزی، دلۍ نامەکېنە ئامانجەکۍ و وایەکۍ شۆڕشەکەیش ڕۊشنکەردېبېنێ.
* ئەچی ساڵېنە شېخ بابا ڕەسوڵو عەبابەیلۍ شاعېر ئامان دنیا.
* مانگەو (10) ئی ساڵېنە، کوڕانو بەدرخانی کە نامېشان عوسمان و حوسەین بېیەن، ڕاپەڕینێشان زددو تورکی هۊرگیسنان.[1]