کورد دلۍ چەرخەکا تاریخینە
بەشۍ: دوەسەڎ و چواردەهەمە
نویستەی: #هاوڕێ باخەوان#
ساڵەو (1892ز)
* ئەچی ساڵېنە، تورکەکۍ دەسێشا کیاستۍ پەی ناوچەو ئەنادۆڵی، تاکو بار و دۊخو ئەرمەنەکا هېمن بکەراوە.
* ئەچی ساڵېنە، بابە عەلی بېدار خانەقی شاعېر ئامان دنیا.
* ئەچی ساڵېنە، ۋانگای ڕوشدییەی سەربازی دلۍ سلێمانینە بنیاڎنریان بە فەرمانو عوسمانییەکا.
* مەجیڎو قالەی حەمامچی، ئەچی ساڵېنە دلۍ شارو سلێمانی ئامان دنیا، نامبریا دماتەر یۊ بییەن جە پېشمەرگە ئازاکا شېخ مەحموڎی حەفیدی.
* لورد کرزن، ئەچی ساڵېنە ژمارەو بنەیانەکا خېڵو شوکاکیش بە (1500) بنەیانۍ نیانەرە.
* کۊششکاری کورد ئیحسان نوری پاشا، ئەچی ساڵېنە دلۍ گەڕەکەو ئالی گوڵی جە شارو بەدلیسی، سەرنیشتو کوردەسانی ئامان دنیا.
* ئەچی ساڵېنە، مەلا ئەحمەدو حاجی مەلا ڕەسوڵ دێلێژەی، ئەشناسیا بە فایز ئامان دنیا.
* شېخ سەلامی شاعېر، ئەچی ساڵېنە دلۍ دەگاو عازەبانی ناوچەو وارماوای ئامان دنیا.[1]