کورد دلۍ چەرخەکا تاریخینە
بەشۍ: دوەسەڎ و دواڼزەهەمە
نویستەی: #هاوڕێ باخەوان#
ساڵەو (1891ز):چن تۊمارێ پېوەس پی ساڵېوە ئینێ وەردەسەنە:
* تورکەکۍ ئەچی ساڵېنە دەسشان کەرد بە گلېرکەردەی ئا باجا هەکە وەڵتەر وەرېنەگېریێبېنۍ و باجۍ تازېچشان سەپنێ، پۆکەی خەڵکو ناوچەو دەرسیمی ڕاسۍ بیێ وەنەشان.
* س. ئا. یەگیزارۆف، کتېبێش دەربارەو ئەتنۆگرافیاو کوردیۆ ئەچی ساڵېنە وەڵاکەردۆ.
* هامنو ئی ساڵېنە، هۊرئېستێوە دژو تورکەکا جە پانیشتو کوردەسانینە ڕوەشدێنە.
* ئەچی ساڵېوە تاکو ساڵەو (1898ز)، جە ویلایەتو وانیۆ یەک پوول پېسە باجی نەلانەنە دلۍ خەزېنەو میری تورکی، چوونکوم ئانۍ کە دلۍ ڕیزەکانو سوارەی حەمیدینە بېنۍ باج نەڎېنۍ و داهاتو ناوچەکەیچ فرە کزینە بۍ.
* ئەچی ساڵېنە، سەردارێ گردینی خاسسازییەکا تورکی بە نامۍ شاکیر پاشای، دلۍ ویلایەتو ئەنەدۆڵینە هۆڵۍ ئانێشە دێ جە کوردەکا سوپێوە نیزامییە مەرزنۊرە.
* تەریخو (01-01-1891ز) تاریخنویس تۆفیق وەهبی دلۍ شارو سلێمانی ئامان دنیا.[1]