ناو: دڵشاد
نازناو: دڵشاد زاموا
ناوی باوک: عەزیز مارف واژەیی
ڕۆژی لەدایکبوون: #01-01-1982#
شوێنی لەدایکبوون: #سلێمانی#
$ژیاننامە$
بڕۆفیسۆر دکتۆر دڵشاد عەزیز مارف (دڵشاد زاموا)
لە 2019 مامۆستایە لە بەشی شوێنەوار لە زانکۆی سلێمانی.
2017-2019 مامۆستای میوان بووە لە بەشی شوێنەوار زانکۆی سلێمانی.
لە ساڵی 2007 تا 2019 مامۆستای بەشی شوێنەواری زانکۆی سەڵاحەدین-هەولێر.
2008-2007 مامۆستای میوان بوو لە بەشی مێژووی زانکۆی کۆیە.
دکتۆرای لە بەشی ئاشوری ناسی زانکۆی لایدن لە هۆڵەندا بەدەستهێناوە، لە تێزەکەیدا باسی لە کارلێکی شارستانی نێوان شارستانییەتی زاگرۆس و ئاشوری بە پشت بەستن بە تازەترین بەڵگە شوێنەوارییە دۆزراوەکان و دەقە مێخییەکان کردووە.
ماستەرنامەکەی لە بەشی شوێنەواری زانکۆی سەڵاحەدین لە هەولێر بەدەستهێناوە. لە ماستەرنامەکەیدا توێژینەوەی لەسەر 150 مۆری لولەیی بڵاونەکراوەی مۆزەخانەی سلێمانی کردووە.
بەشداربووە لە چەندین پڕۆژەی پشکنین و کاری مەیدانی شوێنەواری لە ناوچە جیاوازەکانی باشووری کوردستان.
هەروەها لە ساڵی 2005 ەوە سەرقاڵی دۆزینەوەی شوێنەوارییە لە ناوچەی سیدەکان، برادۆست بۆ دۆزینەوەی شوێنەواری شاری موساسیری کۆن، و بنکەستونی پەرستگەی خواوەند خالیدی دۆزییەوە لەگەڵ چەندین پەیکەری کیمیری و سکیتییەکان و ئەم دۆزینەوانەش بۆ زیاتر لە هەژدە زمان وەرگێڕدراون و لە گۆڤارە جیهانییەکانی وەک ناشناڵجێۆگرافیک و لایف سایەنسدا بڵاوکراونەتەوە.
-بەشداربووە لە چەندین کۆنفرانسی زانستی نێودەوڵەتی و چالاکی شوینەواری لە وڵاتانی ئەوروپا، ئەمریکا، تورکیا و کوردستانی باشوور.
-2007-2011 سەرنووسەری گۆڤاری سوبارتو بوو، گۆڤارێکی تایبەت بە شوێنەوار و کەلەپوورە. [1]
=KTML_Link_Facebook_Begin=https://www.facebook.com/dlshad.zamua=KTML_Link_Facebook_Between=فەیسبووکی: دکتۆر دڵشاد زاموا=KTML_Link_Facebook_End=
=KTML_Email_Begin=dlshadazamua@gmail.com=KTML_Email_Between=ئیمەیڵی دکتۆر دڵشاد زاموا=KTML_Email_End=