ناو: ئەحمەد
ناوی باوک: حاجی حەمە
ساڵی لەدایکبوون: 1934
ڕۆژی کۆچی دوایی: #04-04-2022#
شوێنی لەدایکبوون: #سلێمانی#
شوێنی کۆچی دوایی: #هەولێر#
$ژیاننامە$
ئەحمەد حاجی حەمە ئاغا لە دایکبووی ساڵی 1934 لە گوندی #گەڵاڵە# ی سەربە پارێزگای سلێمانی، یەکێکە لە کەسایەتییە ناسراوەکانی کوردستان، لە تەمەنی منداڵی لە قوتابخانەی ئایینی خوێندوویەتی لە گوندی گەڵاڵێ، پاشان بۆ خوێندنی سەرەتایی چووەتە شارۆچکەی #ماوەت# دەستی بە خوێندن کردووە تا شەشەمی سەرەتایی لەوێ تەواوکردووە، و پاشان بۆ درێژە پێدان و تەواوکردنی خوێندنی ناوەندی و دواناوەندی چووەتە شاری سلێمانی و لە ساڵی 1957-1958 لە کۆلێژی ماف لە بەشی یاسا لە شاری #بەغدا# وەرگیراوە، لە هەمان ساڵدا پەیوەندی بەڕیزەکانی یەکێتی قوتابییانی کوردستان دەکات، بەردەوام دەبێت لە خەبات و لە ساڵی 1961-1962 بەکالۆریۆس لە یاسا وەر دەگرێت، لە ساڵی 1962 دەستی بە کاری پارێزەری کردووە و لە خەبات و پێشمەرگایەتی بەردەوام بووە، دواتر دەبێتە دادوەر لە دادگاکانی ماوەت و #چوارتا# درێژە بە کاری دادوەری دەدات و دواتر دەبێتە سەرۆکی دادگاکانی ماوەت و چوارتا و #دەربەندیخان# و #سەرتەکی بەمۆ# و #پێنجوێن# و هەڵەبجەی شەهید، وە هەروەها لە ماوەی ساڵانی 1962 تاکوو 1970 بەشداری لە چەندین خولی تایبەت بە کاری پارێزەری و دادوەری و کارگێڕی کردووە، لە ساڵی 1970 دەبێتە قایمقام لە پێنجوێن و دواتر #ڕانیە# تاوەکووساڵی 1975، وە لە ساڵی 1975 دەست دەکاتەوە بە کاری پارێزەری تاوەکووساڵی 1997، لە ساڵی 1997 دەبێتە ڕاوێژکاری یاسای سەرۆکی ئەنجوومەنی وەزیرانی حکومەتی هەرێمی کوردستان، و لە ساڵی 2007 خانەنشین دەبێت بە پلەی ڕاوێژکاری باڵا. لە ماوەی ژیانی کارکردنی و پێشمەرگایەتی توانیویەتی خزمەتێکی زۆر بە چین و توێژەکانی کۆمەڵگە بکات لە گشت بوارەکانی یاسایی و کۆمەڵایەتی و هاوکاریکردن و دابینکردنی دادپەروەری، وە لە ڕێکەوتی 04-04-2022 لە شاری هەولێر کۆچی دوایی کردووە. [1]