فڕێدانی دەمامک دیاردەیەکی ناشارستانیە و دوای بەکارهێنانیان بە هیچ شێوازێک ناکرێت و نابێت لەسەر شەقامەکان فڕێ بدرێن. ئێستا بەهۆی بڵاوبوونەوەی ڤایرۆسی کۆرۆنا و زیادبوونی خواست لەسەر بەکارهێنانی دەمامک، ژمارەی دەمامکە فڕێدراوەکان لەسەر شەقامەکانی #هەولێر# زیاد بووە کە دیمەنی شاریان ناشرین کردووە.
دەمامکە فڕێدراوەکان لە ئەگەری جارێکی دیکە بەکارهێنانیان خێرایی گواستنەوە و زیندووکردنەوەی ڤایرۆسەکە زیندوو دەکەنەوە.
بە گوێرەی دوایین ڕاپۆرتی لیژنەکانی ڕێکخراوەکانی تەندروستیی وڵاتان، دەبێت ئەو دەمامک و دەسکێشانە بە ڕێگەیەکی زانستی لەناوببرێن، چونکە لە کۆتاییدا زیان بە هەوا و ئاو و خاک دەگەیێنن و دەبێت لە کارگە و شوێنی تایبەتدا شی بکرێنەوە و بسووتێنرێن.[1]