$باکووری کوردستان$
- داواکاری گشتیی کۆماریی لە پارێزگای بوڕسا، 777 جار داواکاری پارێزەرانی #عەبدوڵڵا ئۆجەلان#یان بۆ دیداری ئیمراڵی ڕەتکردەوە.[1]
$باشووری کوردستان$
- لەدوو ڕووداوی تەقەکردندا لە دوو گەڕەکی شاری #سلێمانی#، دوو هاوڵاتی بریندار بوون.[2]
- بەپێی نوسراوێکی ئەمیندارێتی ئەنجومەنی وەزیرانی عێراق دەسەڵاتی ئیمزاکردنی نوسراوە فەرمییەکان لە #ڕێبوار تاڵەبانی# سەرۆکی ئەنجومەنی پارێزگای #کەرکووک# بەوەکالەت وەرگیراوەتەوە ئەوەش بەپێی وتەی ئەندامێکی ئەنجومەنی پارێزگای شارەکە.[2]
- سەرۆکایەتی ئەنجومەنی پارێزگای کەرکووک ئه و هەواڵانەی ڕەتکردەوە کە باس لەسڕکردنی دەسەڵاتەکان و لەکارلابردنی ڕێبوار تاڵەبانی سەرۆکی ئەنجومەنی پارێزگای کەرکووک بەوەکالەت دەکات.[2]
- لە #هەولێر# کونسوڵخانەی بەریتانیا و وەزارەتی #پێشمەرگە# کۆنفرانسێکی هاوبەشیان لەبارەی چاکسازی لە #وەزارەتی پێشمەرگە# ئەنجامدا و، 31 ئەفسەری پێشمەرگە دوای مەشق و ڕاهێنان خەڵاتکران کونسوڵی بەریتانیاش ڕایگەیاند پێویستە پێشمەرگە خاوەن چەکی زیاتر بێت.[1]
- هێزێکی ئاساییش، لە بەردەم بارەگای نەتەوە یەکگرتووەکان لە شاری هەولێر، ڕێگریی لە بەڕێوەچوونی کۆنگرەیەکی ڕۆژنامەنووسیی #تەڤگەری ئازادی#ی کۆمەڵگەی کوردستان دەکات.[4]
- کاژیر 11:27 خولەکی ئەمشەو بۆمبێکی چێندراو لەنێو زبڵدانێکی گەڕەکی واستی شاری کەرکووک دانراوە. بەهۆی تەقینەوەی بۆمبەکە کەسێک بەناوی یاسر جەلال کوژراوە و دوو کەسی دیکەش بەناوەکانی موزەفەر ئیبراهیم و عەللا موحسن برینداربوون.[1]
- دژی ڕاگرتنی کارەکانی پرۆژەی #بەنداوی باوەنوور#، ژمارەیەک لە هاوڵاتیان و چالاکوانانی شارەدێی باوەنووری ئیدارەی #گەرمیان# گردبوونەوە و داویانکرد، کە هەرچی زوورە بودجەی پێویست بۆ پرۆژەکە تەرخان بکرێت.[4]
$رۆژئاوای کوردستان$
- مینێکی چەتەکانی سەر بە سوپای تورکیای داگیرکەر کە لە ناوچەی جندرێسی #عەفرین# جێگیریان کردبوو، لە کاتی تێپەڕبوونی تراکتۆری جوتیارێک تەقییەوە. ڕاگەیەندرا کە بەهۆی تەقینەوەکە جوتیارەکە بە سەختی بریندار بووە.[5]
$دەرەوەی کوردستان$
- ئەمڕۆ هەزاران کاسبکار و شۆفێر لە شاری ئیسفەهانی ئێران ڕژانە سەر شەقامەکان و خۆپیشاندانیان ئەنجامدا.[3]