ناونیشانی پەرتووک: جەمشید خانى مامم کە هەمیشە با لەگەڵ خۆىدا دەیبرد
ناوی نووسەر: #بەختیار عەلی#
شوێنی چاپ: #سلێمانی#
دەزگای پەخش: #ناوەندی ڕۆشنبیری و هونەری ئەندێشە#
ساڵی چاپ: 2010
ژمارەی چاپ: یەکەم
ئەو کورسییەی ئێمە لە سەری دا دەنیشین و دارتاشێکی نە خوێندەوار درووستی کردووە هونەری لە هەموو ئەو ڕۆژنامانە زیاتر تێدایە کەلەسەر کورسییەکە دەیخوێنینەوە..
نووسەر لە دیدارێکدا دەربارەی ناونیشانیی ڕۆمانەکە وتی:
ھەستەکەم ناونیشانەکە تا حەددێک تەعبیر بێت لە ناوەرۆکی ڕۆمانەکە، یەعنی نزیکە لە ناوەرۆکی ڕۆمانەکەوە، نزیکە لە گەورەترین سیفەت لە کارەکتەری پاڵەوانەکە کە کەسێکە با ئەیبا. ھەتا ئەگەر لەڕووی مەجازیشەوە تەماشایبکەیت جەمشید خان کەسێکە کە وەکوو یارییەک وایە بەدەست ڕووداوەکانەوە، وەکوو کەسێک وایە ھەموو ڕووداو و کارەساتە مێژوویی یا ئەو شتە ڕۆژانە سادانەی کە لە دەوروبەری ڕووئەیات بە شێوەیەک لە شێوەکان لەگەڵ خۆیاندا ئەیبەن و ئەیفڕێنن. لێرەوە ناونیشانی ڕۆمانەکەش لەوەوە ھاتووە کە جەمشید خان پاڵەوانێکە، کەسێکە کە زیاتر لەوەی کە ئیرادەی خۆی دەور ببینێت لە چارەنووسیا، شتەکانی چواردەوری دەور دەبینن لە چارەنووسیا، ھئزەکانی تر دەور دەبینن لە دیاریکرنی چارەنووسیا، وە ژیانی خۆی ھێندەی بەدەست ئەو ھێزانەی کەوەیە بەدەست خۆیەوە نییە…
[1]