کشتیاری جە لاو زەردەشتیەکاوە:
کتېبو (وەندیداد) ینە ئامان کە بەشێن جە کتېبو پیروزو ئاوێستای: زەرەدەشت دمای ئانەی لاڵیانۆ ئەو ئاهورامەزدای، فەرماوانش: ئەی خوڎای تاک و تەنیا، پەنەمان بواچە وەشتەرین یاگۍ زەمینی ئینا چکۊ؟
ئاهورامەزدایچ فەرماوانش؛ ئەی زەردەشتی ئەسپیتمان، وەشتەرین یاگەو زەمینی ئا یاگېنە هەکە یانېوەش چەنە بنیاڎ نریۊن و هارگێوەش چەنە بۊن، (ژەنی و زاروڵۍ و گاوۍ و مەی) فرېش چەنە بان، خەڵکی دانەوېڵە و دارو میوەی و ئاڵفی فرەشان بۊن، چا یاگېنە کشتووکاڵی فرە کەردۍ و زەمینی تېراو کەردۍ، چوونکووم زەمینێ گەر کشتووکاڵش چەنە نەکریۊ، پېسەنە ژەنێ نەزوکۍ کە زاروڵېش نەبان.
ئیتر دمای ئانەیە زەردەشت فەرمانش دان بە شۊنکۆتەکاش پەی ئانەی دانەوېڵە و میوە بەرهەم باران، کشتووکاڵ کەران، یاگە وشک و بەیارەکا پاراوۍ کەران، دماتەر فەرمانش دان پېسە ئەرکێ دینی مەشۊم گرد زەردەشتیێ دارێ بنیۊن.[1]