شیعر
نەبەز گۆران
من
بەوشە دارستانێک دروست دەکەم
جوانییەکەی بەهیچ قەلەرەشێک کاڵ نەبێتەوە،
بە وشە باخچەیەک دەرازێنمەوە
هیچ تووتیەک نەتوانێت خەوی گوڵەکانی بژاکێنێت،
هەر بەوشە بە جۆرێک خۆم ڕەنگ دەکەم
تەنها ئەوانە بمناسنەوە ڕەنگەکان وەک خۆی دەبینن.
_ _
زستانێکم خۆشدەوێت
هیچ باوەشێک گەرمی نەکاتەوە
مرۆڤێکم خۆشدەوێت
هیچ شەڕێک وێرانی نەکات
خۆشەویستییەکم دەوێت، ڕۆژگار نەتوانێت کاڵی بکاتەوە.
نەبەز گۆران [1]