کورد دلۍ چەرخەکا تاریخینە
بەشۍ: دوەسەڎ و نۊهەمە
نویستەی: #هاوڕێ باخەوان#
ساڵەو (1889ز): چن تۊمارێ پېوەس پی ساڵېوە ئینێ وەردەسەنە:
* قانعی شاعېر ئەچی ساڵېنە ئامان دنیا، قانع ئەشناسیانبە شاعېرو چۆسیاکا.
*ئەچی ساڵېنە، کۊمەڵەو یۊبییەی و وەڵېکۆتەی دلۍ تورکیاینە مەرزیانەرە، چڼیین ڕۊشنۋیرۍ کوردۍ چەنەش بەشدارۍ بېنۍ.
* حاجی کاک ئەحمەدی شێخ ئەچی ساڵېنە کۊچی دمایینش کەردەن.
* مەحموود جەودەت ئەچی ساڵېنە دلۍ شارو سلێمانی ئامان دنیا.
* (مەلا عارف سایب)ی شاعېر ئەچی ساڵېنە ئامان دنیا.
* (مەلا ئەحمەدی قسرەت)ی شاعېر، ئەچی ساڵېنە ئامان دنیا.
* عەبدولحەمید بەگو جافی، ئەچی ساڵېنە دلۍ شارو هەڵەبجەی ئامان دنیا.
* گۊرانیواچ و موزیکژەن عەبەی سەی زاڎە، ئەچی ساڵېنە ئامان دنیا.
* ڕاسم پاڎشا پەی ماوەو یەرۍ ساڵا بېیەن بە فەرمانڕەواو سلێمانی.
* ئەمین عالی بەدرخان و مەدحەت بەگ، کە دۋۍ کوڕۍ بەدرخانی بېنۍ گەرەکشان بۍ شۆڕش دژو تورکی بکەران، بەڵام بە دەسو داگیرکاری تورکی گېریێ.
* فایقی شاعېر، ئەچی ساڵېنە کۊچی دمایینش کەردەن.
* نیکۆلای دوەم تزاری ڕووسی، داوەتو چن سەردارێ ئۆساو کوردی (عەبدولڕەزاق بەدرخان، سەی تەهای شەمزینی، جەعفەر ئاغاو شکاکی)ش کەرد پەی ڕووسیای، بەڵام فەرمانداری تەورێزی وەرش بە سەرداکەیشان گېرت و ناستش بلان.
* تاریخو (21-05-1889ز) کۊمەڵەو ئیتیحادو تەرەقی دلۍ تورکیاینە مەرزیارە، بڕێ جە کوردەکا بەشداریشان جە ئەرەمەرزیایش کەرد، پەی لادای سوڵتان عەبدولحەمیدی، ئاڎییچۍ (ئیسحاق سکوتی و عەبدوڵڵا سیودەت) بېنۍ.[1]