ڕۊ گەردوونی ژەنا
ڕۊ گەردوونی ژەنا جە گردلایە، بە تایبەت جە ژەنا پیرۊزبۊ
بەرابەری هەر ئیسە!
ئینە درووشمەو ئیمساڵوو ژەنانە جە ڕۊ گەردوونی ژەنا.
مافوو ژەنێ مافێوی ئانزانین و پاشێلکەردەی مافوو ژەنێ، پاشێلکەردەی مافوو ئانزانین. بۍ گومان ژەنی تاوانشا جە فرەو وەڵاتانە تاکو ڕادېو بە بڕېو جە مافە ڕەواکاشا بیاوا و یاگێ وېشەنە کە پیروزبایشا وەنە کەرمۍ، بەڵام هیشتا فرەش مەنەن باس لە بەرابەری ژەن و پیای کەرمۍ تەنانەت جە وەڵاتە وەڵکەوتە و دێمۆکراتیکەکایچەنە.
ئامار پەنەما ماچۊ کە تاکو ئیسە هیچ وەڵاتێو جە دنیانە نەیاوان بە بەرابەری ژەن و پیای.
نابەرابەری بەینوو ژەن و پیای پەی نموونەی جە ئاڵمانەنە فرە دوورەن چا بەرابەریە کە ژەنی پەیش گژیا. داخم ئی نابەرابەیە جە وەڵاتە پیاسالاریەکانە چەنینبۊ؟؟
جە ئاڵمان:
هەر یەرێ ڕوێ جاریە ژەنیە بە دەسو شوەکەیش، یان شووی وەڵینیش کوشیۆ!
هەر چوار خولێ (دەقێقی) جارێو ژەنیە گنۆ وەروو توندوتێژی شوەکەیش
دەرئامەڎوو ژەنا 18% کەمتەرەن جە دەرئامەڎوو پیایا
تەنیا (35.1%) ئەرمانەرێ (نمایندە) پارلەمانی ژەنینێ.
موختار کەریمی.[1]