ب دەستووری خودێ

مەلک فەخرەدینە وێ ل سەر کانیا راس ل مەعینە
دەرمان دکەت چقاس دلێت برینە
بەلێ مەلک فەخرەدین نە محبێ خەلکێ دەرەوینە

***
(چەند سەبەقێن پیرۆز ژ قەولێ شرورا ):-

مەحەمووا ئەو مرازە
خۆزی سلتان ئێزی ب ھاتە
بۆ مە ئاڤاکربا چەندی وەلاتە

***
بۆ مە ئاڤاکربا چەندی دنێ
کلیل و مفتە تێن ژ خزینا باتنێ
ئەو بوو جندیێت سلتان ئێزی پێ دبوون خنێ

***
وەعدە ھاتیە دێ داھر بت سلتان ئێزیێ منی بەرانی
مە ل وێ دیت خۆشی و شاھی
دەف و شباب و قدوم تەمبوور ئاغلەر
دیوانا سلتان ئێزی مناسبی خاسانە
پار تێ نینە خەلکێ خام عنکاری لەنگە

***
ھەرن سەر بانا دەنگ ھلینن
ناڤ و دکارێ سلتان ئێزی ،شریفێ شرین بینن
ھنەر و کەرامەتێت وان شێرە سوارا ب بینن

***
عەجێب نەمینن ل وان ھنەرا
دێ داھر بت سلتان ئێزی ئاغایێ مسافرا
خاسا مەیدانا مەلەکا ھۆل لێ دکرا

***
خاسا ل مەزن مەیدانا مەلەکا ھۆل ڤەدایە
دێ داھر بت سلتان ئێزی ، خۆش پەدشایە
ھۆل - ھۆلا سلتان ئێزیدە
سلتان ئێزی خۆش پەدشایە

***
وەعدە ھاتیە دێ داھر بت مەلەک ئادیە
پەدشایێ من ل ئێزیدخانێ ب رەحم گەریە
ئەوێ رۆژێ گورگ دخوازە ژ مییە

***
گور ژ مھێ دخوازە رەدایێ
ژ عەرد ھەتا ب سەمایێ
ئۆغلمەکە وەھا گران نایێ

***
ئۆغلمەکە وەھا گران نینە
ب شایا مەھدی ل زەمینە
وەعدە ھاتیە دێ داھر بت سلتان ئێزی ماش و بەرات و خەلاتا ژ غافلا بستینە

***
ژ غافلا ستاندن ماش و بەرات و خەلاتە
ب رۆژ ئاڤا ھەتا ب رۆژ ھلاتە
خۆزیا ب وی جیی ھۆل لێ دبوو بساتە لێ دبوو تەریقەتە لێ دبوو ئاتقاتە لێ دبوو حەقیقەتە

***
یێ تەمام خودێ یە. [1]