Amed Tîgrîs (Amed Meki Tigris) di sala 1948an de li Licê hatiye dinê. Dibistana seretayî li Licê û ya mamostetiyê jî li Erxeniyê xwendiye. Di sala 1980î de li Stockholmê bi cih bûye. Li wir di dibistanên swêdî de bi awayekî fermî bi qasî 25 salan mamostetiya kurdî kiriye. Di nav komîteyên amadekariya pirtûk û materyalên kurdî de kar kiriye. Demekê serokatiya Înstîtuya Kurdî ya li Stockholmê kiriye. Ji bo wergera pirtûkên zarokan ji swêdî bo kurdî bi salan di redaksiyona Weşanxaneya APECê de xebitiye. Di Med TV de bi navê ‘‘Rojbaş mamoste, Dibistana kurdî û Xwendegeha kurdî’’ de bernameyên perwerde û hînkirinê amade û pêşkêş kiriye. Bi wergeran ve heta niha nêzîkî 30 pirtûkên wî derketine.