کاوس نوری عەبدولڕەحمان قەفتان لە شوباتی 1934 لە شاری #سلێمانی# لەدایکبووە. ساڵی 1953 لە کۆلیجی (دار المعلمین العالیة) (کۆلیجی پەروەردە)ی زانکۆی بەغدا وەرگیراوە و ساڵی 1957 خوێندنی تەواوکردووە و وەک مامۆستا لە ناوەندی سلێمانی دامەزراوە.
ساڵی 1958 بووەتە ئەندامی #پارتی دیموکراتی کوردستان# و ساڵێک دوای ئەوە لە1959 بەشداری کۆنگرەی لاوانی جیهانی کردووە لە ڕۆمانیا.
ساڵی 1960 بۆتەواوکردنی خوێندنی دکتۆرا، ڕوو لە یەکێتی سۆڤیەتی پێشوو دەکات. ساڵی 1961 یش بووەتە ئەندانی مەکتەبی سکرتاریەتی کۆمەڵەی خوێندکارانی کورد لەئەوروپا.
لە ساڵی 1962دا د. کاوس قەفتان ژیانی هاوسەرێتی پێکهێناوە و لە ساڵی 1963 لە بەشی کوردی پەیمانگای ڕۆژهەڵاتناسی لینینگراد بووە بەتوێژەرەوەی زانستی.
لە ساڵی 1966 گەڕاوەتەوە نیشتمانو لە کۆلیجی پەروەردەی زانکۆی بەغدا وەک مامۆستا دامەزراوە. =KTML_Photo_Begin=https://www.kurdipedia.org/files/relatedfiles/2009/1666/0002.JPG=KTML_Photo_Alt=کاوس قەفتان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2009/1666/0002.JPG=KTML_Photo_End=
ئەندامی کارای کۆڕی زانیاری کورد بووە بۆ خزمەتکردنو پێشخستنی زمانی کوردی کە لە نیوەی دوەمی حەفتاکانی سەدەی ڕابردوو لە بەغدا دامەزرا.
لە ساڵانی (1971-2000) لە کۆلیجی پەروەردە و کۆلیجی ئادابی زانکۆی بەغدا مامۆستا بووە. ساڵی 2000 گەڕاوەتەوە شاری سلێمانیو لە بەشی مێژووی کۆلیجی زانستە مرۆڤایەتییەکانی زانکۆی سلێمانی دامەزراوە، لەسەر دەستی ئەو و چەند مامۆستایەکی تر خوێندنی باڵا لەو بەشە کراوەتەوە.
د.کاوس قەفتان خاوەنی چەند بەرهەمێکی زانستیو مێژوویە، چەندین پەرتووکو لێکۆڵینەوەی زانستی لەزمانی ڕووسیەوە وەگێراوەتە سەرزمانی کوردی.
$بەرهەمە چاپکراوەکانی د.کاوس قەفتان:$
=KTML_LIST_icon_book_LISTTYPE=پەرتووکی (10) چیرۆک، بەغدا 1969.، (خۆری ئاوابوو) ، سلێمانی 1970، پەرتووکی، ڕاوەبەران، سلێمانی 1971
نیو هەنگاو دوور لەدۆزەخ، بەغدا 1975
پێنج تابلۆی شێواو، بەغدا 1985
ژووری میوان، سلێمانی 2000،
هەڵبژاردە لەوتەی بەپێز، سلێمانی 2001
ئەفسانەی میللەتانی ئاسای، بەشی یەکەم، بەغدا 1985 لەرووسیەوە
ئەفسانەی میللەتانی ئاسای، بەشی دووەم، سلێمانی 2001 لەرووسیەوە
ڕاپەڕینی ئاگری داغ، سلێمانی 1959
بابان #سۆران# بۆتان، بەغدا 1985، چاپی دووەم، سلێمانی 2006
جەلیلی جاسم، کوردەکانی ئیمپراتۆریەتی عوسمانی، بەغدا 1987 لەرووسیەوە
جەلیلی جاسم، ڕاپەڕینی کوردەکان ساڵی 1880، بەغدا 1987 لەرووسیەوە
م.س. لازاریف، کێشەی کورد، بەغدا 1989 لەرووسیەوزە، 2001
وتاری مێژوویی، سلێمانی 2001
ڕاپەڕینەکانی بارزان چەند لاپەڕەیەک لەبزووتنەوەی ڕزگاریخوازی کورد لەسەدەی بیستەمدا، سلێمانی 2002، چاپی دووەم، #هەولێر# 2003
حیکایەتە جیهانییە هەرە گەورەکان، لە عەرەبییەوە، سلێمانی ڕۆشنبیری 2002
مێژووی نوێ بۆ پۆلی پێنجەمی ئەدەبی، لەگەڵ د. کەمال مەزهەرو هەژاری شاعیر، لە عەرەبییەوە، بەغدا 1970
مێژووی کۆنی نیشتمانی عەرەب، بۆ پۆلی یەکی ناوەندی، لەگەڵ عوسمان عەلی قادر، بەغدا 1988
ئێوارەیەک (چیرۆکێکی درێژ) لەگەڵ (5) کوورتە چیرۆک، سلێمانی 2003
کوورتە چیرۆک، لەگەڵ هەڵبژاردە لەوتەی بەپێز، سلێًمانی 2007 (15) چیرۆک
دیوانی شیعر، سلێمانی 2007.دواین پەرتووکی بەناوی بیرەوەرەیەکانم. بڵاوکراوەتەوە.=KTMLLISTEND=
دکتۆر کاوس قەفتان، مێژوونووسو ڕووناکبیر لە ڕۆژی 22-03-2009 لە شاری سلێمانی کۆچی دوایی کرد.[1]