دواڕۆژ، رۆژهات لوقمان
بەرپرسێ راگەهاندنا پۆلیسێن هاتنوچۆنا پارێزگەها دهۆکێ خویاکر کو؛ "د چوار رۆژێن جەژنا قوربانێ دا 37 کەس بوونە قوربانیێن روودانێن هاتنوچۆنێ کو ژ 12 روودانان 35 کەس بریندار بووینە و 2 کەسان گیانێ خوە ژ دەست دایە".
پێشرەوێ مافپەروەر ئازاد تاها بەرپرسێ راگەهاندنا پۆلیسێن هاتنوچۆنا پارێزگەها دهۆکێ بۆ دواڕۆژ گۆت: "ئەو روودانێن د ڤان چوار رۆژێن جەژنێ دا پەیدا بووین پرانیا وان ژ دەرڤەی باژێرێ دهۆکێ بووینە و ل سەر جاددەیێن سەرەکی بووینە و بتنێ روودانەک دناڤا دهۆکێ دا کو ل سەر جاددەیا سەرەکی (سێمێل - زاخو) بوویە و ب مخابنی ڤە کەسەکێ گیانێ خوە ژ دەست دایە و دوو کەس بریندار بووینە".
ئازاد تاها زەلالکر کو؛ "سەرجەمێ روودانان ب شێوەیەکێ بەرچاڤ ژ دەرڤەی سەنتەرێ باژێری بووینە و ژ وان دەڤەران ژی ( شێخان و ئاکرێ و بەرەدەرەش و کەلەک ) و د روودانەکا دەڤەرا شێخان دا 5 پێشمەرگە دناڤا ترومبێلەکێ دابوون و پێشمەرگەیەکی گیانێ خوە ژ دەست دایە و هەر چار پێشمەرگەیێن دی بریندار بووینە".
ئەفسەرێ هاتن وچوونێ و بەرپرسێ راگەهاندنێ ئەو چەندە ژی گۆت: "بەریا جەژنێ مە وەک رێڤەبەریا هاتنوچۆنا پارێزگەها دهۆکێ باشترین پلان بۆ رۆژانێن جەژنێ دانابوو و ب خوشبەختانە ئەو پلان ب سەرگرت چونکە مە ب هەموو تیمێن خوە ڤە ل هەر جهەکێ گەشتیار قەست بکەنێ و رێنوما و تیمێن هاتنوچۆنێ دانابوون و ب خوشبەختانە ل وان جهێن گەشتیار قەست ب کەنێ روودانێن هاتنوچۆنێ لێ پەیدا نەبوون، ل هەموو جاددەیێن ژدەرڤەی باژێری قەرەبالغەکا مەزن هەیە و رێژەیەکا مەزن یا شوفێران پێگریێ ب رێنمایێن هاتنوچۆنێ ناکەن".
- 16-09-2016
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 6,840 mal angesehen