پرچت بە بڕین چی
لە سنووری دەشتەکییەکانی #هەولێر# چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (پرچت بە بڕین چی)، ئەو ئیدیۆمە شێوەی تووک و لووک و نزایە زیاتر ژنان بەیەکتری دەڵێن هەندێکجار بۆ گاڵتە و گەپ و قسە شیرینییە و هەندێکجاریش بەڕاستی بۆ ئەوە دەکرێت کە ئەو کەسەی ئاڕاستەی دەکرێت تووشی بەڵایەکی گەورە هەیە کە پرچی لەسەر ببڕدرێت وەکوو ناوهێنانی نامووسی کچێک لە کوردەواریدا دەبووە مایەی پرچ بڕینی وەکوو ئەتک و تەمێکردنی بۆیە ژنان لە کوردەوارییدا بۆ گاڵتە و گەپ و جارجارەش بۆ تووک و لووک وتویانە: پرچت بە بڕین چی. [1]