کورد دلۍ چەرخەکا تاریخینە
بەشۍ: سەڎ و شەسس و حۆتەمە
نویستەی: #هاوڕێ باخەوان#
ساڵەو (1847ز):
* ئەچی ساڵېنە شاعېرە و تاریخنویسەو کوردی ماه شەرەف خانمە، ئەشناسیا بە (مەستوورەی ئەردەڵانییە) کۊچی دمایینش کەردەن.
* ئەچی ساڵېنە، یام ساڵەی دمایینەنە، زنجیرە وتارێ (خ. ئابۆڤیان)ی چېرو نامۍ کوردینە، دلۍ ڕۊنامەو (کەفکاس)ینە، جە تەفلیس بەرشیېنۍ.
* ئەچی ساڵېنە وەسمان پاڎشاو جافی ئامان دنیا. وەسمان پاڎشا یۊ بییەن جە سەردارەکا هۊزو جافی.
* زمسانو ئی ساڵېنە، نەوەشی کولێرای دلۍ سەرنیشتو کوردەسانینە وەڵابیەنۆ، بییەن بە هۊکارو مەردەی هەزاران کەسا.
* ئەچی ساڵېنە (باروناک بەگ فیرۆخان) لوانەنە دلۍ شارو جەزیرەی، نویستەنش: شارەکە بە هۊکارو شاڵاوەو تورکەکاوە وېران بییەن، یانەش سەرو یانەیۆ نەمەنەن، دلۍ شارەکەی تۊپ ۋاران کریان.
* ئەچی ساڵېنە بە یەکجاری تەمامو ناوچەکانو کوردەسانی کۆتېنۍ چېرو فەرمانڕەوایی تورکەکاوە.
* زمسانو ئی ساڵېنە، نزیکەو یەرەبەشو سەربازە تورکەکا دلۍ شارو بایەزیدینە بە نەۋەشی کولێرای دلېنە شیېنۍ.[1]