عەزرەت
ئەوەندە ژین سامناک و تفت و تاڵە
ئەوەندە ڕێم سەخت و پڕ دڕک و داڵە
ئەوندە دڵ، کەوتۆتە بەر پەلامار
گیانم پڕە لە زەخم و ئێش و ئازار
هێندە هیوا و ئاواتم هەڵپڕووکا
پشتم لە ژێر باری خەما پڕووکا
هێندە خۆزگە و تاسە و حەزم ناشتووە
هەمووم بە خوێن، بە فرمێسکم شوشتووە
ئەوەندەیان خەنجەر لە گیانم چەقان
زووخی هەزار بلۆقی خەمیان تەقان
هێندە داخی خەمیان چزان بە جەرگا
(لە عەزرەتا باوەش ئەکەم بە مەرگا) (#لەتیف هەڵمەت# )
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]