#فازڵ میرانی#، سکرتێری مەکتەبی سیاسی #پارتی دیموکراتی کوردستان#، لە میانی پرسەی عومەر میرانی، بەرپرسی پێشووی پەیوەندییەکانی پارتی لە ئەنقەرە، ڕایگەیاند، خەڵکی کوردستان جوامێرن و لایەنە سیاسییەکانیش پێویستە ئەو جوامێرییە بنوێنن.
وتیشی: ئەگەر میللەت باش بوو، پێکهاتەی سیاسی ناتوانێت باش نەبێت، هەروەها پەیوەندی کۆمەڵایەتی نێوان بەرپرسانی سیاسی دەبێتە هۆی بەهێزکردنی پەیوەندی سیاسی باش و گۆڕینی پەیوەندییە خراپەکان بە پەیوەندی باش.
فازڵ میرانی، لە بەشێکی دیکەی قسەکانیدا، جەختی لەسەر ئەوە کردەوە، بەشداری خەڵک لە پرسەی عومەر میرانی، هۆکارەکەی بۆ وەفای خەڵک بەرانبەر بەو خەبات و تێکۆشانە دەگەڕێتەوە، کە عومەر میرانی لەناو ڕیزەکانی پارتی دیموکراتی کوردستان و لەسەر پەیڕەوی قوتابخانەی بارزانی و کوردایەتی پێشکەشی کردووە. [1]