هەریەک لە #ڕێبەر ئەحمەد#، وەزیری ناوخۆ و #ئاوات شێخ جەناب# وەزیری ئابووری #حکومەتی هەرێمی کوردستان# و بەنگین ڕێکانی وەزیری ئاوەدانکردنەوەی ئێراق لە پشکی #پارتی دیموکراتی کوردستان# لە #بەغدا# محەمەد شیاع سوودانی، سەرۆک وەزیرانی ئێراقیان بینی.
بەپێی ڕاگەیەنراوی نووسینگەی سەرۆک وەزیرانی ئێراق، لە کۆبوونەوەکەدا باسی بارودۆخی گشتی هەرێمی کوردستان کراوە، لەبارەی دۆسیەی ئەمنی و دارایی و ئابووریی گفتوگۆ کراوە.
سەبارەت بە ئامادەکارییەکان بۆ هەڵبژاردنی پەڕڵەمانی کوردستان لە مانگی شوباتدا گفتوگۆ کراوە.
سوودانی و وەفدەکەی هەرێم جەختیان کردووە لەسەر بایەخی زیادکردنی هەماهەنگیی نێوان هەرێم و حکومەتی ناوەند بۆ چارەسەری کێشە هەڵپەسێردراوەکان، بەتایبەتیش دەروازە سنوورییەکان و یەکخستنی سیاسەتی گومرگیی و یاسای پاراستنی وەبەرهێن. [1]