شیری دایک گرنگترین سەرچاوەی وزەیە لە منداڵانی خوار تەمەن 6 مانگ، هەر بۆیە پێویستە سیستمی خۆراکیی دایکان تەندرووست بێت و یارمەتیدەر بێت بۆ ئەوەی شیریان زیاد بێت.
ئەم چەند میوەیە نەک تەنیا وزە بە منداڵەکەت دەدات لە ڕێگەی شیرەکەتەوە، بەڵکوو کێشی جەستەش کەمدەکاتەوە.

=KTML_Bold=1. ئەڤۆکادۆ=KTML_End=
ڕێژەیەکی زۆر لە پۆتاسیۆمی تێدایە، یارمەتیی تەندرووست مانەوەی منداڵەکەت دەدات، هەروەها یارمەتیدەری دایکە بۆ ئەوەی کێشی هاوسەنگ بێتەوە، هەوکردنی جومگەکان کەمدەکاتەوە.
=KTML_Bold=2. پاپایا=KTML_End=
یەکێکە لە میوە زۆر سوودبەخشەکان بۆ دایک، چونکە یارمەتیی زیادکردنی شیر دەدات، سەرچاوەی ڤیتامین Cیە، سیستمی بەرگری بەهێزدەکات، جەستە لە ژەهر خاوێن دەکاتەوە و چەوری دەسوتێنێت.
=KTML_Bold=3. مۆز=KTML_End=
بۆ ماوەیەکی زۆر دایکەکە بەتێری دەهێڵێتەوە، ڕێگری دەکات لەوەی دایکەکە زۆر خۆری بکات، دۆخی دەروونی دایکانیش باشتر دەکات.
=KTML_Bold=4. هەنجیر=KTML_End=
ڕیشاڵی زۆری تێدایە و شیری دایک زیاد دەکات، یارمەتیدەرێکی زۆر باشە بۆ بەهێزکردنی ئێسکی منداڵ.
=KTML_Bold=5. شوتی=KTML_End=
هیمۆگڵۆبین لە خوێندا زیاد دەکات، بەسوودە بۆ دایکان، هەوکردن کەمدەکاتەوە، هاوسەنگی ئاوی جەستە ڕادەگرێت.
=KTML_Bold=6. پرتەقاڵ=KTML_End=
بەسوودە بۆ پوک و ماسوولکەی منداڵ، لە نەخۆشی دەیپارێزێت. [1]