پېسەنۍ سەرو قنگو کڵاشی
پېسە دیارەن کڵاش پۊشاکێ وېمانەی وۍ چنەن، بە (نەی) مەچنیۊ، گردو کڵاشەکەی هەر پا (نەی) ۍ چنیۊ، یانی عەینو مادەیەن، هەم سەرو کڵاشی و بنەکېش فەرقێ چامنەشان نېیەن. پېسە ئیدیۆمێ بەکارئامان پەی ئا کەسا هەکە جە ڕەفتا و کردگارشانە یۊی مشان، جیاوازیشان فرە نېیەن. ئی ئیدیومی پەی شېوەو کەسەکا بەکارنمێ، چوونکوم کەسەکۍ شېوەشان جیاوازەن، بەڵکوم پەی یۊ شېیەی ڕەفتارشان بەکارمێ. دوۍ کەسۍ، یام دوۍ برێ فرە تېکەڵېنۍ، ئیتر بە هۊکار و هەرمانېوە یام ڕەفېقایەتیۆ، وەختێ یۊشا هەرمانێ کەرۊن بە دڵو خەڵکی نېیەنە، ماچان با بلمۍ براکەیش ئاگاڎار کەرمۍ، یام لاو ڕەفېقەکەیشۆ گلەیېش چەنەکەرمۍ، بەڵام هەر چاکە کەسێ ماچۊ: کورە برا چېش ماچدۍ، ئانە هەردوۍ سەر و بنو کڵاشێنی، هیچ فەرقشان نېیەن.[1]