یاگۍ پەی خەڵکی نامەردی چۊڵە نمەکەرە
گرڎ مروڤێ دلۍ پروسەو ژیوایشەنە چڼین یاگېنە ساکن مەبۊن، ئیتر ئانە قوناغەکۍ ژیواینۍ. ڕەنگە بڕێ جە خەڵکا جە فەترەو ژیوایشانە مەیاوان بە چڼین یاگا، پېسە دەسەڵاتی، عەشرەتی، کەسی بېیەی، ئەچا یاگېشانە دەسەڵاتێ داڎوەری و ئینسانی ڕایی کەران، یاردی خەڵکی مڎان،
مافو هەژارا مسانان. وەختێ ئا کەسە عالۍ دەسەڵاتشان نمەمەنۊ بە هۊکارو مەردەی یام نەوەشی یام لابەردەی، خەڵکانۍ تەرۍ مەیان یاگېشان هەکە ئاسمان و زەمین فەرقشانەن، ئانۍ کە یاگەگیرۍ وەڵینانۍفرە زاڵمۍ و نامەردۍ و ناکەس بەچېنۍ، مافو خەڵکی مەوەران، ستەم مەکەران. ئی ئیدیومی پا کەسا وچیێنە هەکە پېسە وەڵینەکا خاسۍ بیېنۍ، خەڵکی موچیاری کەردېنۍ کە یاگەکېشا چۊڵە نەکەران، با خەڵکۍ دەسەڵاتدارۍ نامەردۍ یاگېشان نەگېراوە، چوونکوم خەڵکۍ نامەردۍ وەختێ مەیاوان دەسەڵات ئیتر حیساب پەی هیچ بەهێوە ئینسانی نمەکەران.[1]