ناونیشانی پەرتووک: گوزەر لە زەینیەت شاوشێخ؛ مانیفست سەربەخۆیی
ناوی نووسەر: #ئەفشین غوڵامی#
شوێنی چاپ: سوید
دەزگای پەخش: 49 کتێب
ساڵی چاپ: 2023
ژمارەی چاپ: چاپی یەکەم
بە واتایەکی تر لە ڕوانگەی عەقڵیەتی دووانەی «شا و شێخ»، ئازادی بە شێوەی تەواو ڕوون، واتە هێنانەوەی دیکتاتۆرێکی تر بۆ گۆڕەپانەکەیە. جیاوازی بنچینەیی ئێمە لە پرسی ئازادیدا، پێناسەی «ئیمکانکردنی ئازادی»یە. لە ڕوانگەی ئێمەوە ئازادی بە واتای «نەهێشتنی هەموو ستەمێک» و «دیاریکردنی مافی چارەنووس»ە؛ بەڵام ئازادی، لە ڕوانگەی گێڕانەوەی ئیمپراتۆرەکانی میدیای فارس زمانەوە، بە واتای «تەسلیمبوون بە واقیع» دێت. جیاوازییەکی گەورە لەنێوان ئەم دووانەدا هەیە. ئێمە دەمانەوێت هەم لە «چەپۆکی خراپەکانی مەلا و پەهلەوی» کە فەرمانڕەوای ئەم دواییە بوون ڕزگارمان بێت و هەمیش دەمانەوێت بیر لە «دیاریکردنی پرسی سەربەخۆیی»مان بکەینەوە. [1]