هانام دەمیت بۊ
هانا، بە ماناو لوای پەناو کەسێ، یام وۍ وستەی وەردەمو کەسێ، ئەچی بارەنە کەسی هانا بەر وېش بە گولانە مزانو وەراوەرو ئا کەسەیۆ هەکە هاناش پەی بەرۊن. پەی نموونەی دلۍ جەنگێنە یۊ کوشیۊ، کابرای بکوش هانا بەرۊن پەی یانەو کابرێوە دەسەڵاتداری پەی پارېزنایش، یام کەسێ ئاتاجیش بە بڕێ زەڕین، ملۊ پەی یانەو دۊسێش، ماچۊ هانام ئاردېنە یانەکەت، پەنەۋازیم بە بڕێ زەڕیەن.
پېسە ئیدیۆمێ واچەکۍ بەکار ماران پەی بارو هەواڵ دای، پەی نموونەی نەفەرێ قسێوە کەرۊ بە دڵو کەسېو تەریەنە، ئاڎییچ ماچۊ: دەی هانام دەمیت بۊ، یانی وېم مەوزو وەردەمو دەمیت هەکە ئا قسە عالا کەرۊن، پېسە واچۍ وېش کەرۊن بە غوڵامو قسەکاش، یام ملۊ وەردەمو دەمیش پەی ئانەی قسۍ عالېش چەنە بژنەوۊن.[1]