داواو ۋنەو وېش کەرۊن
ئی ئیدیومۍ زیاتەر جە سات و سەودا و موعامەلەنە بەکار مەی، کەسێ ماڵێش هەن، گەرەکشەن ورەشۊش، وەختێ مشتەریۍ مەیان، فرە گران داوا مەکەرۊن، ئاڎییچۍ ماچان کورە فرە گران داوا کەرۊن، داواو ۋنەو وېش کەرۊن.
دیارەن ۋنەو ئینسانی بەقیمەت تەرینەن دلۍ چېوەکانە، چوونکوم ۋنی یانی ژیوای ئینسانی.
ئیدیومەکۍ چانەیۊ ئامێنە هەکە وەختو جەنگ و کوشتارینە، یام وەختێ کەسێ بە ئاگایی نەفەرێ تەر مەکشۊن، یانی ۋنیش مجۊن، مەشۊم هەقو ۋنەکېش بڎۊن، ئا هەقېچە فرە قورسە و گرانەنە، قیمەتش فرەن، هەر پەوکەی بە کابرای گرانجانی واچیان ئەجۊ داواو ۋنەکېش کەرۊن، یانی گەر کوشیێچ هەر ئاڼەش پەی داوا کەرېنۍ.[1]