ڕوەنو وېش مڎان سمېڵېش
یام بە ڕوەنو وېش سمېڵېش چەرب کەران
ئی ئیدیومۍ فرە نزیکەنە ئەچا ئیدیومۍ هەکە ماچۊ: بە ڕوەنو وېش سوورشا کەردەنۆ، بەڵام ئېڎە ئەهوەنتەرەنە، زەرەرێ چامنە نمەیاوۊ لاو کەسەکەی، جیای ئانەی بە دەسو وېش ئیسفاڎە جە ماڵ و سامانیش بکەرۊن، بە دەسو خەڵی کەرۊش. پەی نمونەی چن کەسێ کەڵەشېر و کەرگو نەفەرێ دزان، یام سەرێ حەیوانش دزان، وەختێ منیاش سەرو حازرش کەران، ساحیبەکەیش دەعوەت کەران، ئاڎ بۍ ئاگان چانەیە هەکە ئا واردە هەکە ئاماڎە کریان هینو وېشەن، مەنیشۊرە پەڕو لەمېش موەرۊن، دمایی پەنەش ماچان فەقیرە بە ڕوەنو وېش سمېڵېما چەرب کەرد.
سمېڵ چەرب کەردەی مانێ فرېش هەنۍ، وەختو واردەینە بنیاڎم سمېڵېش چەربۍ مەبان، دیسان پېسە ئیدیۆمێ تەری واچیان ئەپا کەسا هەکە بەرتېڵ مڎان بە خەڵکی دەسەڵاتداری، ماچان سمېڵۍ کابرایشا چەربۍ کەردېنۍ پەی ئانەی هەرمانەکېشا پەی بکەرۊن.[1]