گەر هەقەنە هەقدارەنا، گەر بەشەنە بەشدارەنا
ئی ئیدیۆمۍ زېیاتەر ئا کەسۍ ماچاش هەکە خاوەنو هەقینۍ، بەشەشا ئینا لاو کەسېوە، بەڵام بە تەرزێ ئەدەبېیانە داواش مەکەران.
گرڎ ئینسانێ ئەچی دنیانە خاوەنو هەقەو وېشەن، هەم خاوەنو بەشەو وېشەن، بەڵام فرەو جاری کەسە بە تەماکۍ، خەڵکە خرابەکۍ هەقەو خەڵکی موەران، ئیتر بە زورداری بۊن، یان بە فڕ و فېڵ.
پەی نمونەی برای گۆرە بەشەو برای گولانەی موەرۊن، برا بەشەو واڵۍ موەرۊن، ئیتر دمای کۊششێ فرەی و شکات و شکاتکاری، ناعیلاجی داواکېشا بە نەرمی کەران، ماچان دەی گەر ئینە هەقەن، ئېمەیچ هەقمان هەن، گەر وەرەسەنو هینو تاتەو گردیمانە، ئېمەیچ بەپاو شەرعۍ بەشەمان هەنە[1].