دەسی مانیا بنیە سەرو لەمەی تېرۍ
پېسە مەزانمی مروڤ بە هەرمانۆ جوانەن، هەرمانە ئینسانی بېیەی مڎۊ بە کەسەکا، ئا جۊرە هەرمانۍ هەکە چەنی قەدر و حورمەتو مروڤی گونجیان.
ئا کەسۍ هەکە پاڵە و پاچېنۍ و نمەتاوا هەرمانە بکەران، هەر دەم چەمشان مڎیۊ پەی دەسو خەڵکا تەری.
مروڤ دمای هەرمانکەردەی و ئارەق ئەسەڕیەی، هەقو هیلاکیش وەرگېرۊن، پا هەقەیە ژیوای وېش و ژەن و زاروڵاش مسۊگەر کەرۊن، پېسە واتەنشا دەسی مانیا منیۊ سەرو لەمەی تېرېشۆ.
ڕزقو بنیاڎمی ڕاسەن دیاری کریان، بەڵام بەلاشیچ نمێ وەرو دەسان، مەشۊم هۆڵۍ بڎەی تاکو بېزیشۆ، هەرپاسەیچ وەش هەن، ڕزقێ چەنیش نەمانیەی قیمەش نېیەن.[1]