خێرە پەی خۋېشی، نەک پەی دەرۋېشی
خێرە، سەرو گرڎ کەسێ دارای داواکریێنە، کەسی دارا مەشۊم چا سەروەت و سامانیە کە هەنش بەشو نەدارا بڎۊن، چوونکوم فەرمانش پەنەکریان، پەی پاک بېیەیۆ سامانەکەیش خێرە و زەکات سەرش واجب کریان.
بەپاو ڕانماییە شەرعیەکا خێرە جە کەسە نزیکەکاوە دەس پەنە کەرۊن، یانی سەرەتا مەشۊم چاڎییشاوە دەس پەنەکەرۊ، دمایی پەی کەسە دوورتەرەکا. وەڵینەکېچ ئانەشا زانان، واتەنشا خێرە پەی خۋېشی، یانی پەی کەسی نزیکی نەدارای، دماتەر پەی دەرۋېشی گېڵەری.
ئیدیۆمەکۍ دوور جە خێر و خێراتی تەماموو چېوەکاتەریچ گېرۊوە، پېسە ئام و شۊی و لوای دەمۆ و سەردای کەردەی، کە وەڵېنه مەشۊم جە نزیکەکاوە دەس پەنەکەرمۍ.
وەڵینەکۍ یارمەتی قۆم و کەسە نزیکەکاشا بە واجیبێ فەرز نېیانەرە، بەڵام خەڵکی دوور بە سوڼەت.[1]