تاقانە، یان شېتەن یان دېوانە
تاقانە، بە زارۊڵێوە (نېر-کوڕ) ی ماچان کە تەنیا وېش بۊ، یان چەنی چن واڵێوە.
چوونکوم تەنیا وېشەن فرە نازارەن، ئەڎا و تاتە و واڵەکېش فرە خزمەتش کەران و نازش مەکېشان. ئیتر بە تەرزێ وێش کەران کە هیچ پەشتی بە وېش نمەبەسۊ، پاسە مېیاوۊنە ئەچی دنیانە گرڎ چېوێش پەی فەراهەم کریان، ناهەقیچش نېیەن، چوونکوم ئەپا میکانیزمە هەڵە هۊرستەو نیشتەیش چەنی کریان، یاوان ئا یاوانەیە.
تاقانە فېرەن بەهانۍ بگېرۊن، مەشۊم بەهانەکاچش بڕان، داواو هەرچیش کەرد مەشۊم پەیش پېڎا بکەران، گەر نەکەران بە جۊرێ هۊرمشۊن شېت ئاسا، دېوانە ئاسا، جە کۆنترۆڵ بەرمشۊن، هەر پەوکەی واتەنشا: تاقانە، یا شېتەن یان دېوانە.فرەو جاری جە تەمەنو هەرزەکارینە ئا بارەشە مێ ملەرە، چوونکوم ئەپاسنە وێ کریان و تېکەڵاوی خەڵکیشا پەنە نەکەردەن، وېش بە غەریب مزانۊ، دماجار گۊشگیر مەبۊن.[1]