تازە ئاما، کۊن خەڵاتەن
ماچان گرڎ چېوێ بە تازەیی وەش هەن، هەرچن بەشێش ڕاسەن، چوونکوم چېوی تازە تام و بۊی وەشتەرش هەن، لەزەتی زېیاتەرش هەن، زەریفیش فرەتەرەن، بەڵام ئیتر نمەیاوۊ ئانەیە چېوە کۊنەکا لابەرمۍ و بۍ سەنگېشا بکەرمۍ. دلۍ خەڵکینە پاسە باوەن هەکە وەختێ تازە ئاما ڕوەو کاری، کۊن مدریۊ بە خەڵات، پەی نموونەی گەر کاڵێوە تازۍ بسانا پەی یانەیشان، کۊنەکەی بەخشان بە کەسێ نزیکی جە وېشان.
فرەو جاری پەی ژەن ئاوردەیچ پاسنەن، گەر پیێوە ژەنی دوەمە بارۊ، ژەنە کۊنەکېش پەشتۆ گۊشا مەوزۊ، ماچان کە تازۍ ئاما ئیتر کۊنۍ شۆقش گوم بۊن.[1]