تاکو قەباڵۍ وېت موانیۆ، داماگت کەران
(قەباڵۍ) بە پارچە کاغەزێ لوول کریای ماچان کە دلېشەنە باسێش چەنە نویسیابۊ، یان بە پارچە نانێ ماچان هەکە واردەمەنیێ پېسە گۊشت یان کەباب یان تەڕەپېیازیش چەنەبانو لوول کریابۊ پەی واردەی.
ئیدیۆمەکۍ مەخسەڎش ئانەو یەکەمیشانە، جاران گەر داواکاریێ یان شکاتێ بیێ جە نەفەرێ، دلۍ پارچە کاغەزێنە تۊمار کریۍ و لوولش کەرېنۍ، گېرېنېش دەسۆو لوېنۍ پەی لاو دەسەڵاتدارو ئا وەختەیە، خاوەنو قەباڵەکۍ وەردەمو پاشای یان دەسەڵاتدارەکەینە مدرۍ و قەباڵە لوولەکۍ کەرېوەو پەیش وانېوە، ئیتر دەسەڵاتدار گۊشش پەی گېرۍ. بڕێ دەسەڵاتدارۍ هەنۍ فرە زاڵمېنۍ، بۍ ئانەی داڎوەری کەسێ بکەران مڎاش وەنە، پیێکېش پەلامارە مڎان، ئا کەسە هەکە شکاتش هەن جە کەسێ کە هەقش واردەن، وەڵۍ ئانەی بېیاوۊ لاو حاکمی یان دەسەاتداری ڕەنگە فەلاقەش کەراو کېیاناشۆ، هەر نازان قەباڵەکېش کەرۊوە.[1]