بە تیرێ دوۍ نیشانۍ مەپېکۊ
ئەچی بارەوە ئیدیۆمێ تەرمان هەن کە ماچۊ: بە تەۋەنێ دوۍ مریچڵۍ مەپېکۊ، پا کەسا وچیۊ هەکە وەختو کەردەی هەرمانێنە، پەیشان هۊرمەگنۊ هەرمانێ تەر کەران، پەی نموونەی چن کەسێ ملان پەی دەگێوە بە نېیازو ئەسای کاڵێوە یان بەرهەمێ، چاکە مژنەوا هەکە دۊسێشا نەوەش هەن، ئاییچۍ ملان پەی سەردایش، وەختێ مەگېڵاوە ماچان: خاس بی بە تەوەنێ دوۍ مریچڵېما کۊشتۍ، یان بە تیرێ دوۍ نیشانېما پېکێ. بڕێ جاریچ پەی کەسێ ئاقڵی بەکارمێ، پەی کەسێ ویر تیژی هەکە بە یەک جار مەتاوۊ دوۍ هەرمانۍ کەرۊن، بە تەرزێ هەرمانەکاش ڕېکۍ مەوزۊن کە پېوەره کەرۊشان، خەڵکی پەنەش ماچان پیێوە ئاقڵەن، بە تیرێ دوۍ نیشانۍ مەپېکۊن، بە نموونە کابڕێوە سېیاسەت مەدار چەنی دژمەنەکەیش ڕېک مەگنۊ، هەم وېش و خەڵکەکەی جە پەلامارەو دژمەنەکەی پارېزنۊ، هەم هېزەکەیچش پۊشتە مەکەرۊوەو ئاماڎەش کەرۊوە.[1]