پەی هەریسەکۍ گرەوۊ
(هەریسە) ، ۋاردێوە کۊنەن، بە (گەنمۍ و گۊشت) منریۊ سەر، سوودش هەن، هەم وەرگەگیرەنە پەی ئاورای و پەی سەردا و سڵۊوەی.
هەریسە بە هۆرامی پەنەیچش ماچمۍ (کەشکەک) ، کە جاران فەسڵو زمسانینە بە فرەیی واردەنشا.
کەشکەک یان هەریسە پېسە ئیدیۆمێ بەکارئامێنە وەراوەر بە ڕەفتارو بڕێ جە کەسەکا، ئا کەسۍ هەکە تەماعیۍ و مەسڵەحەت وازۍ بیېنۍ. ماچان کابرا شینو هەریسەکۍ کەرۊ، یانی پەی مەردەکەی گرەوەش نمێ، بەڵکوم پەی ماڵەکەیش گرەوۊ.
یان بڕێ کەسۍ مەگنا گېرە و گرفت چەنی خەڵکی تەری، پاسه وېشا بەرمەوزان کە پەی قازانجو ئا خەڵکا کۊشېیا، بەڵام ئانەی کە شاریانۆ دلۍ ناخیشانە جېیاوازەن، پەی قازانجی مادی کۊشېیا، بەڵام بەرش نمەوزان، چن کەسێ نزیکۍ چاڎییشاوە هاگاش ئینا چەنەشا، مزانا ئاڎۍ شینو چېشی کەران، پەوکەی ماچان: کورە برا ئانە شینو هەریسەکېشا.[1]