دەی بەرەو خەڵکی، مڎاوە بەرەت
دلۍ کەلتوورو ئېمەنە پاسە باوەن هەکە هەرمانەی خرابە باجش هەن، یانی هەر کەسېو تەمەنو وېشەنە هەرمانۍ خرابە کەرۊن، ناموسوو خەڵکی لەکەدار کەرۊن، بۍ شەک هەر ئەچی دنیانە ئا هەرمانە خرابۍ یەخۍ وېش گېراوە.
هەر پەوکەی وەڵینەکېما بېیەن بە دەرسێ پەیشان کە تەجرەبەشا چەنە هۊرگېرتەن. زېیاتەریچ پا کەسا ۋچیان هەکە خەریکۍ هەرمانۍ بەڎڕەفتانۍ بیېنۍ، گەر هەر کەسېو تەقەش دابۊ بەرەو یۊ تەری بە نېیەتو هەرمانۍ خرابی، ئانە تەقە دریانۆ بەرەش پەی عەینو کاری.
دلۍ ئایینەکاچەنە ئانە دیارەن، کە مۊچیاری کەسەکا کریان بە دوور کۆتەیشا ئەچا هەرمانە خرابا، چوونکوم خوڎای گۆرە هەقەشا چەنە مسانۊ.[1]