ئا کەلە قەڼە ماڕات، دوە بارەش نەکەریۆ:
قسۍ، وەختێ دەمو کەسێرە مزیارە، ئیتر مەبانۍ بە پېناسەو ئا کەسەیە، یانی گەر سەرنجە بڎەیمۍ کەسی عاقڵ قسۍ ئاقڵانی کەرۊن، کەسی غەرەزن و قینەۋن قسۍ زامڎارکەرۍ کەرۊن، کەسۍ تالېق باز قسۍ تۊکڵدارۍ کەرۊن، ئیتر پا تەرزە.
بڕێ جارۍ ئینە پېچەوانە مەبۊوە، پەی نموونەی گەر کەسێ قسێ نەشېیاوە یان بېتامە کەرۊن، پەنەش ماچان ئا کەلە قەڼە ماڕات، ئی جارە نەماڕیشۆ!
ماڕای کەلە قەڼی هەرمانێ شیرینەن، کەلە قەڼ وېش شیرینەن، وەختێ ماڕیش و پارچە پارچەش کەری، پېسەنە شیرینی بەش کەری، کەچی پېسە تالېقۍ وەراوەر بە کەسێ قسە تڕنی بەکارش ماران.[1]