ئینسان مەی نېیەنە هەر بەرگێوەنە بۊ:
پېسە مزانمۍ (مەی) گېیاندارێ فەقیرە و بېوەیەنە، بەرهەموو شۊتی و گۊشتی و پەژمی مڎۊ بە مروڤی. گەر سەرنجە بڎەیمۍ (مەی) هەمیشە فەقیرەنەو ئینا بەرگێنە، هەم پېسە شېوەی، هەم پېسە ڕەفتاری.
هەرچن ئینسان شکڵش بە نزیکەیی جاگیرەن، بەڵام ویرکەردەیۆ و ڕەفتارش جاگیر نېیەن، چوونکوم مەخلووقێ جېیاوازەن، خاوەنو ویر و ئەندېشەی و ئازاڎیی و ئیرادەین، مەشۊم چەنی لوای تەمەنیش کامڵ تەرو نەجیب تەر بۊن، مەشۊم ماریفەتش وەرە وەرە باڵا کەرۊن، هەر پەوکەی واچیان: خۊ مەی نېیەن تەنیا پۊشاکێنە بۊ.
ئا کەسۍ کە چەنی باڵاکەردەی تەمەنیشا، ئەقڵ و ئاوەز و ئەندېشەشا باڵا نەکەرۊن، ئانە ماچان هەر ئینا بەرگێنەو نەفاڕیان.
فرەو جاری مەوینمۍ بڕێ کەسۍ چەنی ئانەی تەمەنشا باڵاش کەردەن، بەڵام قسۍ و ڕەفتارشا هەر پېسەنە هینو سەردەمو گەنجیشا، یاگۍ وېشەنە نەجمان.[1]