ئاغە ڕۊ، خوا شوکور
مەردەی قومیېوە سەختەن، مروڤی تووشو خەمباری و خەفەتی کەرۊن، زېیاتەریچ سەروەختو قومیاکەینە.
ئا کەسۍ هەکە کەسێ ئازیزشا جە دەس مڎا، بە شین و گرەوای خەمباری وېشا بەرمەوزان، بەڵام چی بەندېنە شین و زاری تېکەڵەن چەنی وەشی!
بڕێ کەسۍ زاڵمۍ، ئاغێ زۊردارۍ وەختێ مران، خەڵک پەنەش وەش هەن، بەڵام جە تەرسینە، هەم ناچاریېنە ئاغەڕۆ کەران.
شەرت نېیەن مەردەکە ئاغێوە دەسەڵاتدار بۊن، ڕەنگە کەسێ ئاسایی بۊن، بەڵام چن کەسێ وەڵتەر قینیشا چەنەش بیېنه، وەختو مەردەیشەنە بە زارەکی ڕۊ ڕۊش پەی کەرانو بە دڵ خوڎا شوکر کەران.[1]