لکێ بە دەس کریۊوە، مەوزەش دڎانۍ.
پەندێنە، مانێوە قووڵەی سووڎمەڼەش هەنە، ئی پەندۍ بەرهەموو تەجرەبێ وەڵینەکامانە جە ژیوایشانە، فرەو جاری هەرمانێ، یان کېشێوە ئاسانشا یاونان ناڕەحەتی و گرانی.
ڕەنگە کېشێوە خانەوادەیی فرە گولانە بە ئاسانی تاوابۊشا چارەش کەران، بەڵام چوونکوم ئیرادېوە گۆرەشا نەبېیەن، گرفتکەشا یاونان خەڵکا تەری، یان یانەو تاتەیشا، پەوکەی تەشەنەش کەردەن و دمایی بە زەحمەت چارە کریان.
پەندەکۍ پەنەما ماچۊ: هەر کېشێوە کە ڕوانەنە مەی ڕامان، با وەردەمو وېمانە چارەش کەرمی، نەیاونمېش سەری وېما، ئاوەختە گرڎکەسێ بە قازانجو وېش قسېش چەنە کەرۊن.[1]