واتەو وەڵینا:
گۆرۍ گرتشا کەنار، ژەنی لوێ ئۆ هەوار:
ئی واتۍ یان ئیدیۆمۍ وەڵینێ تاریخیش هەن، مەگېڵۊوە پەی سەردەمو داگیرکاریەکا (میر تەیموور گورگانی- تەیمووری لەنگ)ی، داگیرکارێ فرە زاڵم بېیەن، شار و دەگاش وېران کەردەن، دەسەڵاتدارە ناوچەییەکۍ وېشان شارتەنۆ، کەنارشان گېرتەن، ژەن و زاروڵەکېچ لوێنۍ پەی هەوارە دوورەکا جە کەشە سەختەکاوە، هەرچن چا سەردەمەنە حوکمڕانو هۆرامانی (سڵېمان بەگ) بېیەن، بە سیاسەتێ ئاقڵانە چەنەی سوپاو تەیمووری ڕېک کۆتەن و هۆرامانش جە کوشتاری و وېرانکەردەی پارېزنان.[1]