کاتی قوتابخانە، ئەو کاتەیە کە زۆرترین کات منداڵەکەتی تێدا بە تەنیا جێدەهێڵیت و بەرکەوتنی لەگەڵ چواردەورەکەی دەبێت، لەوانیش هاوپۆلەکانی، کارمەندانی قوتابخانە یان مامۆستاکانی، دەکرێت هەندێک کات دەکرێت ڕووبەڕووی توندوتیژی دەروونی یان جەستەیی بێتەوە، ڕەنگە منداڵەکەت خۆی دانی پێدانەنێت و نەیڵێت، بەڵام دەکرێت چەند ئاماژەیەک ئاگادارتبکاتەوە.
1. دڵی ناخۆشە و زۆرینەی کاتەکان دەترسێت بێ ئەوەی هۆکارێکی ڕوونی هەبێت.
2. خۆی بەدوور دەگرێت لە چواردەورەکەی و هەوڵدەدات بە تەنیا بێت.
3. ناتوانێت لەناو پۆلەکەیدا هاوڕێ بگرێت.
4. ئارەزووی خواردن لەدەست دەدات و بە بڕی پێویست ناخوات.
5. ئازاری جەستەیی هەیە و هۆکاری ئازارەکەی ڕوون نییە.
6. هەندێک ڕەفتاری نامۆ دەنوێنێت، وەکوو ئەوەی توندوتیژ دەبێت لەگەڵ ئەندامانی خێزانەکەی یان خوشک و برا بچوکەکانی.
7. متمانەی بە خۆی و ڕەفتارەکانی نامێنێت. [1]