باخچێوە بېگەرد
نویستەی: میرزا ئۆلقاڎرو پاوەی
بەشۍ یەرەسەڎ و حەڤڎەهەمە
میرزا ئۆلقاڎرو پاوەی، چی بەشېنە یاوۊ بە سەروەختو فاڕایۆ حەزرەتو عەئیشەی پەی پېخامئاوەری (ص) ، بەڵام بە یەک بەیتە شېعر، کە ماچۊ: جەودما حەزرەت شای فەلەک ڕیکاب
چەنی عائیشە شیی نە جامەی خواب.
ئیتر هەرگیز ڕا بە وېش نمەڎۊ چاولای زیاتەر هەنگامە بنیۊ، ئانە ئیتر بۍ ئەدەبېیەن کە هەر باسێ تەر چا بارۆ کریۊن، چونکم حەزرەت چەنی عائیشەی ئینێ نە جامەی خاوینە، پەی کەسی نېیەن ئا سنوورەیە ماڕۊن، باسشکەرۊن. بە وېش ماچۊ: قادر جەی فېشتەر جەسارەت نەکەری، ئانە مێڎانو دەمبازی نېیەن.
جەو دما حەزرەت شای فەلەک ڕیکاب
چەنی عائیشە شیی نە جامەی خواب
قادر جەی فېشتەر جەسارەت نەکەی
وەیرۊ مایەی دین وېت غارەت نەکەی
ئەوەڵ جە مەیدان دەمبازیی نېیەن
ئەوجا جای شۊخی شانازی نېیەن
ڕاسەن تەبیعەت کان دوڕ و مەرجانەن
بەعسەت پېغەممەر ئاخر زەمانەن
هۊشت بۊ دەخیل نەکەی نادانی
کا نەڎەی جە ڕای ڕاستی مەعانی
تۊ هەرچی مەزموون ڕەوزەتولئەحباب
مەرقووم کەر تەمام ڕای سیدق و سەواب
بە وەزنی کاوان، کۊکۊ هەم چین چین
سەڵەوات دەر وە ڕووی محەمەد ئەمین
دایېم با هەر ئەو پەشت و پەنات بۊ
بەل جە ڕووی مەحشەر شەفاعەت خوات بۊ
جە ڕووی سەرزەمین تا چەرخی ئەخزەر
سەڵەوات بۊ پەی دین پاکی پېغەممەر.[1]