تێگەیشتنێک لای بەشێکی زۆری خەڵک هەیە بەوە شوێنە جیاوازەکانی ژانەسەر ئاماژەیە بۆ تووشبوون بە نەخۆشییەکی ئۆرگانیی دیاریکراو، بەڵام ئەنجوومەنی تەندرووستیی کەنداو لە بابەتێکدا کە لە هەژماری تایبەتی خۆی لە ئینستاگرام بڵاویکردۆتەوە، ئاماژەی بەوەکردووە، ئەو تێگەیشتنە هەڵەیە.
بۆ نموونە، هەندێک کەس پێیانوایە ئازاری بەشی پێشەوەی سەر مانای وایە کەسەکە نەخۆشییەکی گوازراوە و کێشەیەکی لە کۆئەندامی هەرسیدا هەیە، بەڵام ئەنجوومەنەکە دەڵێت: ژانەسەر بە تەنیا ئاماژەنییە بۆ بوونی نەخۆشییەکی دیاریکراو.
هەروەک ناکرێت هیچ نەخۆشییەکی گوازراوە تەنیا لە ڕێگەی شوێنی ژانەسەرەکەوە دەستنیشان بکرێت، بێ ئەوەی هیچ نیشانە و ئاماژەی تری لەگەڵدا بێت.
لەبەرئەوە گرنگە لەکاتی هەستکردن بە ژانەسەرێکی توند، تەنانەت دوای خواردنی حەبی ئازارشکێنیش، سەردانی پزیشکی پسپۆڕ بکرێت و پشکنینی پزیشکی ئەنجامبدرێت، بە مەبەستی دەستنیشانکردنی وردی حاڵەتەکە.
$ئەگەر بەدەست سەرئێشەیەکی بەردەوامیشەوە دەناڵێنیت و لە هەندێک کاتدا ئازارەکەی ناشکێت، ئەوە ڕەنگە چەند فاکتەرێک لە پشتییەوە بێت، کە دیارترینیان بریتیین لە:$
- کەمخوێنی.
- تێکچونی سیستەمی خەو.
- بوونی کێشە لەهۆڕمۆنەکاندا.
- کێشەی گیرفانەکانی لوت.
- دڵەڕاوکێ و شڵەژانی دەروونیی.
- لاوازی بینین. [1]