#وەلی دېوانە#
ئەی دڵ وە سەنگ بای، ئەی دڵ وە سەنگ بای
ئەی دیدە کۊر بای، ئەی دڵ وە سەنگ بای
ئەی (زوان) لاڵ بای ئەی خاتر تەنگ بای
ئەی (تەن) تاویای ژار فەرەنگ بای
ئەی (گۊش) نەژنەوا هەر یەکجار کەڕ بای
ئەی کەڕ وە غەزەب باد سەڕسەڕ بای
ئەرۍ تاڵەی من غەزەب وارۊ لېت
ئەرۍ بەخت من تەوەن وارۊ پېت
ئەی فریشتەی من وە فەرمان حەق
فریشتان عەرش شەقت کەران شەق
ئەی ئېقباڵ من هەر سەرنگۇن بای
سەرنگۇن نە قەعر ئاب (هامۇن) بای
وېم بە وېم واچۇن بە کۊی زوخاڵ بای
تەن نە غەرق بەرق فەنا پاماڵ بای
چەند ساڵەن کە ڕەنج ڕېیازەت بەردم
هۇن زۇخ زام ڕیشەی دڵ وەردم
ئاخ و داخم بۍ شەوان تا وەڕۊ
بوینۊ باڵای لەیل عەنبەر بۊ
خاو مەرگم بی، خاوم کەردە بۍ
دیدەم نە خاو بۍ (شەم) وېیەردە بۍ
[1]