لە ڕۆمای پایتەختی ئیتاڵیا، کارەکانی کۆنگرێسی ڕۆژنامەنووسانی وەرزشی جیهان دەستیپێکردو چەند ڕۆژنامەنووسێکی کوردیش له و کۆنگرێسە بەشدارن.
ساڵانە ڕێکخراوی ڕۆژنامەنووسانی وەرزشی جیهان کە بە AIPS ناسراوە و نزیکەی 200 وڵات ئەندامێتی تێدا هەیە، کۆنگرەی خۆیان دەبەستن و گەنگەشەی کاروچالاکییەکانیان پاڵپشتیکردنی ڕۆژنامەنووسانی وەرزشی جیهان دووپات دەکەنەوە.
ساڵی ڕابردوو بەهۆی کۆرۆنا ڤایرۆسەوە ئه و کۆنگرێسە بەڕێوەنەچوو، بەڵام ئەمساڵ 2022 لە ڕۆما کۆنگرێسەکە بەڕێوەدەچێت و چەند ڕۆژنامەنووسێکی وەرزشی کورد بە شێوەی تاک و هاوکات نوێنەری سەندیکای ڕۆژنامەنووسی وەرزشی کوردستانیش بەشداری تێدا دەکەن.[1]