ناونیشانی پەڕتووک: دەستەبژێر و حەکایەتی کوردەواری لە سەردەمی مۆدێرنەدا
ناوی نووسەر: #ئیبراهیم حاجی زەڵمی#
شوێنی چاپ: #سلێمانی#
چاپخانە: پیرەمێرد
دەزگای پەخش: #وەزارەتی ڕۆشنبیری و لاوان#
ساڵی چاپ: 2020
ژمارەی چاپ: یەکەم
لە بەشی یەکەمی کتێبەکەدا چەمکی دەستەبژێر و ڕۆڵی لە دیاریکردنی کەسایەتییە ئایینی و نەتەوەیی و شاعیرەکان لە مێژووی نوێی باشووری کوردستانم ڕوون کردووەتەوە، هەروەک بەشی دووەمم تایبەت کردوە بە ڕۆڵی نەرێنیی ئایدۆلۆجیا لەسەر بیری نەتەوەیی و بەشی سێیەمیشی تایبەتە بە چۆنیەتی پێگەیاندن و پەروەردەبوونی تاکی کۆمەڵگەی کوردی.
بەشی چوارەمی کتێبەکەی باسی کولتوور و نەتەوە دەکات کە چۆن بتوانین کولتووری خۆمان لە هەژموونیی جیهانگیری بپارێزین و بیکەینە هۆکاری بەهێزکردن و گەشەکردنی کولتوورەکەمان بێ ئەوەی ڕەسەنایەتیی لەدەست بدات، هاوکات ژینگەی گونجاو و کاریگەری ئەو شەڕ و وێرانکارییانەی کە دوژمنانی کورد لەسەر خاکی کوردستان کردوویانە، چۆن بتوانین بنیاتی بنێینەوە. بەشەکانی پێنجەم، شەشەم و حەوتەمی کتێبەکە تەرخان کراون بە ڕۆڵی شارستانی لە بنیاتنانی دەوڵەت و بەرهەکانی کۆمەڵگەی کوردەواری.[1]